ОҒОЗИ ИҶРОИ БАРНОМАИ ИСТИФОДАИ МАНБАЪҲОИ ҚУВВАИ БАРҚ ВА ГАРМӢ
Душанбе, 31 декабр. (АМИТ «Ховар», Наргис Бойахмедова).- 1 январ дар баъзе ноҳияҳои водии Зарафшон иҷрои барномаи «Самаранокии истифодаи манбаъҳои барқароршавандаи қувваи барқ ва гармӣ дар хоҷагиҳои шахсӣ» шурӯъ мегардад. Барномаи мазкур бо дастгирии Комиссияи Аврупо ва Созмони кишоварзии Олмон амалӣ карда мешавад. Аз намояндагии Комиссияи Аврупо дар Душанбе ба мухбири АМИТ «Ховар» хабар доданд, ки ҳадафи асосии барнома беҳтар намудани шароити зиндагии гурӯҳҳои камбизоати аҳолӣ дар ноҳияҳои Айнӣ ва Кӯҳистони Мастчоҳ мебошад. Барнома дар ин ноҳияҳо бо иштироки худи хоҷагиҳои шахсӣ амалӣ карда мешавад. Барои иҷрои барнома бештар аз 805 ҳазор евро сарф карда хоҳад шуд. Дар ҷараёни иҷрои барнома ба истифодаи самарабахши захираҳои мавҷудаи энергетикии маҳаллӣ бо мақсади сарфа кардани сӯзишворӣ, гарм кардани хонаҳо ва аз таъсири муҳити берунӣ муҳофизат кардани онҳо диққати асосӣ дода хоҳад шуд.
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
Имрӯз дар баъзе ноҳияҳои кӯҳии Тоҷикистон бориши борону барф пешгӯӣ мешавад
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
