ОМОДА СОХТАНИ МУТАХАССИСОН БАРОИ ҲАЛЛИ ПРОБЛЕМАҲОИ ВАЗЪИЯТИ ФАВҚУЛОДДА

          Душанбе, 2  декабр. АМИТ «Ховар»,   Наргис  Бояхмедова). — Имрӯз  дар  пойтахти  Белорусия – Минск  маҷлиси  навбатии  гурӯҳи  коршиносони  ИДМ  баргузор  мегардад. Дар  он  масъалаи  такмил  додан  ва  мувофиқа  намудани  лоиҳаи  қарорҳои  Шӯрои  сарони  ҳукуматҳои Иттиҳод  баррасӣ  карда  мешаванд, ки  ҳадафи онҳо  таҳкими  минбаъдаи  ҳамкории   давлатҳои  аъзои  Иттиҳод  дар  соҳаи  омода  сохтани  мутахассисон   барои  ҳалли  проблемаҳои  вазъияти  фавқулодда  мебошад.        Иштирокчиёни  маҷлис,  аз  ҷумла,  лоиҳаи  қарори  Шӯрои  сарони  ҳукуматҳои  ИДМ ва  низомномаро  дар  бораи  муқаррар  намудани  стипендия  ба  шунавандагон,  курсантҳо  ва  донишҷӯёни давлатҳои  Иттиҳод  муҳокима  мекунанд, ки  дар   мактабҳои олии Вазорати  вазъияти  фавқулоддаи  Федератсияи  Россия  таҳсил  доранд.Стипендияи  мазкур   пеш  аз  ҳама  ба  шунавандагон,  донишҷӯён  ва  курсантҳои  мамлакатҳое  дода  мешавад, ки  дар  ҷараёни  таълим,  таълифи  асарҳои  илмӣ  ва  иҷрои  вазифаҳояшон  муваффақиятҳо  ба  даст  овардаанд.        Хабар  дода  мешавад, ки  стипендияи  мазкур  ба  донишҷӯёну  шунавандагону  курсантҳо  ва донишҷӯён  аз  рӯи  натиҷаҳои  санҷишу  имтиҳонҳо  муқаррар  карда  мешавад. Маблағи он  дар  як  моҳ  камаш 1000  рубл  буда,  илова ба стипендияҳои  дигар ва пардохтҳои  пулӣ  дода  хоҳад  шуд.