ПРЕЗИДЕНТИ ТОҶИКИСТОН БА ХАЛҚИ РУСИЯ ҲАМДАРДӢ ИЗҲОР НАМУД

             Душанбе,  9   декабр.  (АМИТ «Ховар»,  Темур  Бандишоев).- Президенти  Ҷумҳурии  Тоҷикистон  Эмомалӣ  Раҳмон   вобаста ба  вафоти  Усқуфи  аъзами  Маскав   ва  саросари Русия  Алексии  П  ба  унвони   Президенти  Федератсияи  Русия  Дмитрий  Медведев  барқияи  ҳамдардӣ  фиристод. Дар  ин  бора  аз  дафтари  матбуоти  Сардори  давлат  ба  АМИТ «Ховар»  хабар  доданд.  Имрӯз  дар масҷиди  Исои  Наҷотбахши  Маскав  маросими  видоъ  бо  Усқуфи  аъзами  Маскав  ва  саросари  Русия  Алексии П  баргузор  гардид. Баъди  анҷоми  маросими  видоъ  дар  ҳамин  масҷид  ба  хотири  осоиши  рӯҳи  майит  ҷаноза  хонда шуд. Сипас  тобути Алексии П ба мақбараи  Богоявленский  оварда, ҷасади  ӯ  дар  ҳамин  ҷо  ба  хок  супурда  шуд. Аз  рӯи  хабарҳои расида,   дар  давоми  се  рӯз  дар  маросими  видоъ  бо Алексии П  бештар аз  80  ҳазор  нафар  ширкат  варзид. Имрӯз дар  маросими  видоъ  бо  Алексии П  Президенти  Русия  Дмитрий  Медведев,  раиси ҳукумати мамлакат Владимир  Путин,  намояндагони  маъмурияти  Президент  ва  Ҳукумати  Русия, ҳукумати  шаҳри  Маскав,  намояндагони  Маҷлиси  Федералӣ  ва созмонҳои  ҷамъиятию  сиёсӣ  ширкат  варзиданд. Ёдовар  мешавем, ки  Алексии П  5  декабр  дар  синни  80  солагӣ  вафот  кард. Вай  аз  соли  1990   ба  Ибодатхонаи  православии  Русия  роҳбарӣ  мекард.