«РЕГАР» ТАДАЗ ҲАФТУМИН БОР СОҲИБИ УНВОНИ ҚАҲРАМОН МЕШАВАД?

Душанбе, 10 декабр. (АМИТ «Ховар», Пайрав Назаров).- Дар мусобиқоти қаҳрамонии Тоҷикистон оид ба футбол байни дастаҳои Лигаи олӣ вохӯриҳо баргузор гардиданд. Пешсафи мусобиқот — дастаи «Регар»- ТадАЗ-и шаҳри Турсунзода дар ин сабқат бо ҳасоби 5:2 футболбозони дастаи «Равшан»-и шаҳри Кӯлобро мағлуб кард. Дар бозии дигар дастаи «Динамо»-и шаҳри Душанбе дар майдони худ аз дастаи барқчиёни «Энергетик»-и Душанбе бо ҳисоби 0:2 шикаст хӯрд. Дастаи «Регар»- ТадАЗ бо 94 имтиёз дар садри ҷадвали мусобиқот қарор гирифтааст ва ҳафтумин бор соҳиби унвони Қаҳрамони футболи  Тоҷикистон шуданаш аз эҳтимол дур нест. Муддаиёни медалҳои нуқраву биринҷӣ — «Хуҷанд»-и Хуҷанд бо 79 имтиёз дар ҷои дуюм ва «Парвоз»-и Бобоҷон Ғафуров бо 78 имтиёз дар ҷои сеюм қарор доранд.