СӮҲБАТИ ТЕЛЕФОНИИ ЭМОМАЛӢ РАҲМОН ВА ҲАМИД КАРЗАЙ

          Президенти Ҷумҳурии Тоҷикистон Эмомалӣ Раҳмон баъди чошти  имрӯз бо Президенти Давлати Исломии Афғонистон Ҳамид Карзай телефонӣ сӯҳбат кард. Сарони ҳар ду давлати ҳамсоя роҷеъ ба вазъияти имрӯза ва роҳҳои  рушди муносибатҳои дуҷонибаи мамлакатҳояшон дар соҳаҳои  сиёсию иқтисодӣ ва иҷтимоию фарҳангӣ табодули назар намуданд. Зимни сӯҳбат ба амалӣ сохтани паймонҳое диққати махсус дода шуд, ки дар ҷараёни мулоқотҳои пештараи сарварони  ҳар ду кишвар ба даст омадаанд. Президентҳои Тоҷикистону Афғонистон ҳамчунин проблемаҳои  муҳимтарини байналхалқию минтақавии мавриди назарашонро баррасӣ намуданд. Дар ин бора аз дафтари матбуоти Президенти Ҷумҳурии Тоҷикистон ба АМИТ «Ховар» хабар доданд.