СЕМИНАР — МАШВАРАТИ СОҲИБКОРОН ДАР СУҒД

               Душанбе, 25 декабр. (АМИТ «Ховар», Лаззат Диловарзод).- Бо  ташаббуси Кумитаи андози назди Ҳукумати ҷумҳурӣ дар шаҳри Хуҷанди вилояти Суғд бо иштироки соҳибкорони хурду миёна, тоҷирон ва роҳбарони ширкату корхонаҳои андозсупори ҷумҳурӣ семинар — машварат доир гардид.             Дар семинар — машварат муовини раиси Кумитаи андози назди Ҳукумати ҷумҳурӣ Бахтиёр Султонов иштирок намуд. Аз рӯи баромади ӯ «Оид ба ҳадафҳои андоз ва таъмини саривақтии буҷа аз маблағи пардохти андозсупорандагон» бо соҳибкорон ва роҳбарони ширкату корхонаҳо мубодилаи афкор сурат гирифт.            Ба ақидаи Бахтиёр Султонов, дар сурати пардохти саривақтии андоз аз ҷониби андозсупорандагони ҳуқуқӣ ва инфиродӣ касри буҷа таъмин хоҳад шуд.  Дар семинар — машварат ба ҳамаи андозсупорандагони вилоят дастур дода шуд, ки дар соли 2009 бо истифода аз ҳама роҳҳои қонунӣ қарзҳоро супоранд.