СЕРТИФИКАТИ «ТОҶИКСТАНДАРТ» САТҲИ БАЙНАЛМИЛАЛӢ МЕГИРАД
Душанбе, 9 декабр. (АМИТ «Ховар», Бекназари Абӯбакр). — Тайи се сол мешавад, ки намояндаи Созмони умумиҷаҳонии савдо Елизавета Паркам ҷиҳати омӯзиши озмоишгоҳҳои ташхиси маводи хӯрокаи Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон бо кормандони ин озмоишгоҳҳо ҳамкорӣ менамояд. Аз маркази матбуоти Агентии давлатии «Тоҷикстандарт» ба мухбири АМИТ «Ховар» иттилоъ доданд, ки бо ин мақсад, аз 24-уми ноябр ин ҷониб ӯ ҷиҳати ошноӣ пайдо намудан бо вазъи дастгоҳҳои озмоишгоҳҳои Агентии давлатии «Тоҷикстандарт» аз озмоишгоҳҳо дидан намуда, қариб ба ҳамаашон баҳои мусбат додааст. Ҳадафи аслии омӯзиши озмоишгоҳҳои ташхиси маводи хӯрока, аз ҷониби намояндаи СУС ваколатдор намудани озмоишгоҳҳои Агентии «Тоҷикстандарт» дар арсаи байналмилалӣ мебошад. Бояд қайд кард, ки дар сурати ваколатдор шудани ин озмоишгоҳҳо, сертификатсияи Агентии давлатии «Тоҷикстандарт» дар сатҳи байналмилалӣ мақбул мегардад.
Имрӯз дар ноҳияҳои кӯҳии Тоҷикистон ҳаво то 16 дараҷа гарм мешавад
Тоҷикистон ва Корея ҳамкориро дар самти рақамикунонии китобдорӣ густариш медиҳанд
Мутахассисони алоқа ба мавсими сармо омодагӣ мебинанд
Бо иштироки Сарвазири Тоҷикистон дар ноҳияи Шамсиддин Шоҳин иншооти гуногун ба истифода дода шуд
Бахшида ба Рӯзи забони давлатии Тоҷикистон дар ноҳияи Ёвон ҳамоиши тантанавӣ баргузор гардид
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
