ШАҲРИ ВАҲДАТРО АЗ НАВ МЕСОЗАНД?

          Душанбе, 26 декабр. (АМИТ «Ховар», Мавзуна Бойева).- Бино ба гуфтаи раиси шаҳри Ваҳдат Анвари Вайсиддин, Ҳукумати Ҷумҳурии Тоҷикистон нақшаи кулли шаҳри Ваҳдатро қабул намуд. Бунёди тамоми иншоот дар асоси нақшаи нав тарҳрезӣ ва бунёд мегардад.          Мутобиқи нақшаи нав, сохтмони иншооти маъмурӣ, фарҳангию хизматрасонӣ ба инобат гирифта шудаанд. Сохтмони беморхона барои 500 кат, бинои мактаб барои 1150 нафар хонанда, ду кӯдакистон барои 140 ва 280 нафар хурдсолон, терминалҳои мусофирбарӣ дар самтҳои Ваҳдат-Файзобод, Ваҳдат-Норак, азнавсозии бозори маводӣ хӯрока дар маҳаллаи Истгоҳи роҳи оҳан, бунёди бинои масолеҳи сохтмонӣ дар шафати шоҳроҳи Ваҳдат-Файзобод дар назар аст.