ШВЕЙТСАРИЯ БА МИНТАҚАИ ШЕНГЕН ВОРИД ГАРДИД

          Берн,  12  декабр.(АМИТ «Ховар» —  Евронюс). –  Швейтсария  аз  имрӯз  сар  карда,  ба  узвияти  минтақаи  Шенген қабул  карда  шуд. Ин  чунин  маъно  дорад, ки  сокинони  мамлакатҳои  аъзои Иттиҳоди  Аврупо  ба  воситаи  сарҳадҳо ва  қаламрави  ин  мамлакат  бе  ягон  мамониат  рафту  омад  карда  метавонанд. Бояд  гуфт, ки  Швейтсария  аъзои  Иттиҳоди  Аврупо  набошад  ҳам,   дар  чаҳорсӯи  марказии  мамлакатҳои  Аврупо  қарор  дорад. Дар  Швейтсария  аз рӯзи  ҷумъа  сар  карда,   назорати  роҳҳои  рафту омади  сарҳади он  бо  мамлакатҳои   Иттиҳоди  Аврупо  қатъ  карда  мешавад. Дар  баробари ин  назорат  ва  тафтиши  гумрук  дар  сарҳад   пурзӯр  карда  хоҳад  шуд. Мухбири  АМИТ «Ховар»  хабар  медиҳад, ки  дар  натиҷа  масоҳати  минтақаи  Шенген  бештар аз  3,5 миллион   метри  мураббаъро  ташкил  медиҳад ва барои   400 миллион  шаҳрванди  мамлакатҳои  аъзои  Иттиҳоди  Аврупо  кушода  мебошад.