СОҲИБКОРОН ШАФФОФИЯТИ ДАРОМАДАШОНРО ПИНҲОН ДОШТАНД

               Душанбе, 29 декабр. (АМИТ «Ховар», Лаззат Диловарзод).- Аз Кумитаи андози назди Ҳукумати ҷумҳурӣ ба мухбири АМИТ «Ховар» иттилоъ доданд, ки Раёсати ташкили андозбандии соҳибкорони инфиродии Кумитаи андоз тибқи нақшаи корӣ дар давоми соли 2008 фаъолияти 33 соҳибкори инфиродиро мавриди санҷиш ва таҳлил қарор дод. Бо вуҷуди он, ки фаъолияти соҳибкорон тавассути мошинҳои назорати хазинавӣ ба роҳ монда шудааст, шаффофияти даромади худро аз андоз пинҳон доштанд. Дар натиҷаи санҷишу ташхиси назариявӣ-техникӣ, Раёсати ташкили андозбандии соҳибкорони инфиродии Кумитаи андоз маълум кард, ки соҳибкорон қариб 800 ҳазор сомонӣ маблағро аз андоз пинҳон доштаанд. Раёсати мазкур андози пинҳонкардашударо дар ҳаҷми 431 ҳазору 310 сомонӣ ба буҷаи ҷумҳурӣ пардохт намуд.