ТАЙЁРӢ БА СОЛИ БУЗУРГДОШТИ ИМОМИ АЪЗАМ

        Хуҷанд,  23  декабр. (АМИТ «Ховар»,  Санавбар  Мақсудова). –  Раиси   вилояти  Суғд  Қоҳир  Расулзода  22  декабр  зимни  машварат  бо   намояндагони  зиёиён  ва  аҳли  дин  масъалаи   тайёрии  вилоятро   ба  Соли  ёдбуди  Имоми  Аъзам  мавриди  баррасӣ  қарор  дод. Қ.Расулзода  дар  бораи  нақш  ва  аҳамияти таълимоти  Имоми  Аъзам  дар  ҳаёти  мусулмонон   сухан  ронд.  Тавре ки  маълум  аст, дар  Тоҷикистон  соли  2009  соли бузургдошти  хотираи  Имоми  Аъзам  эълон  шудааст. Иштирокчиёни  мулоқот нақшаи   тадбирҳоро   дар  ин  масъала  мавриди  муҳокима  қарор  доданд. Қарор  дода шуд, ки бо ин  мақсад  мулоқоту  сӯҳбатҳо,  нишастҳои  матбуотӣ  ва  шабнишиниҳо  ташкил  намуда,  дар  бораи  Имоми  Аъзам  бо  ҳуруфоти  кириллӣ   китоб  чоп  карда,  яке  аз  асарҳои  он  ба  забони тоҷикӣ  тарҷума  намуда, бунёди  махсуси  «Абӯҳанифа»  ташкил  карда шавад. Ғайр  аз  ин дар шабакаи  интернет бахшида ба  Имоми  Аъзам  саҳифаи  махсуси  илмию  фарҳангӣ  кушода  хоҳад  шуд.