ТОҶИКИСТОН БА КОҲИШИ ТАВЛИДОТИ САНОАТӢ РӮ БА РӮ ШУДААСТ

               Душанбе, 6 декабр. (АМИТ «Ховар», Бекназари Абӯбакр). — Миёни кишварҳои узви ИДМ Тоҷикистон ягона кишварест, ки дар зарфи 10 моҳи соли ҷорӣ ба коҳиши тавлидоти саноатӣ рӯ ба рӯ шудааст.               Тибқи маълумоти Кумитаи байнидавлатии омори кишварҳои Иттиҳоди Давлатҳои Мустақил, дар Тоҷикистон дар ин давра ҳаҷми тавлидоти саноатӣ 3,2 фоиз коҳиш ёфтааст.                Рушди аз ҳама бештар дар Белорус — 12,8 фоиз, дар Қирғизистон — 12,1 фоиз ва дар Озарбойҷон — 8,4 фоиз ба мушоҳида мерасад.                Русия аз лиҳози рушди иқтисодӣ бо нишондиҳандаи 4,9 фоиз дар ҷойи чаҳорум қарор гирифтаст. Нишондиҳандаи кишварҳои дигари узви ИДМ — Арманистон — 4,0 фоиз, Қазоқистон — 2,9 фоиз, Украина — 2,2 фоиз ва Молдова — 2,0 фоиз мебошад.              Қобили зикр аст, ки дар зарфи 10 моҳи соли ҷорӣ афзоиши ҳаҷми тавлидоти саноатӣ дар кишварҳои узви ИДМ ба ҳисоби миёна муодили 5 фоиз аст.               Ёдовар шудан бамаврид аст, ки Туркманистон ва Ӯзбекистон дар ин бора ба Кумитаи байнидавлатии омори кишварҳои узви ИДМ маълумоте надоданд ва Гурҷистон чанде қабл ин иттиҳодро тарк намуд.