ТОҶИКОН БА РУСИЯ ҲУСНИ ТАВАҶҶӮҲИ ЗИЁД ДОРАНД

                  Маскав, 22 декабр. (АМИТ «Ховар», Ҳалима Хушқадамова). — Дар шаҳри Маскав дар мавзӯи «Нақш ва мавқеи созмонҳои ҷамъиятии миллӣ дар сохтори ҷомеаи шаҳрвандии Русия» бахшида ба 10 — солагии Қасри миллатҳои Маскав ва солгарди навбатии таъсиси созмони ҷамъиятии «Иттифоқи тоҷикистониёни Русия» ҷамъомади калон баргузор гардид. Намояндаи сафорати Ҷумҳурии Тоҷикистон дар Русия Т.Юнусов кормандони созмони мазкурро табрик намуда, аз ҷумла гуфт, ки марҳалаи ташаккули фаъолияти «Иттифоқи тоҷикистониёни Русия» давом дорад ва имрӯз дар фаъолияти он кабудиҳо зиёданд. Раиси созмони ҷамъиятии «Иттифоқи тоҷикистониёни Русия» А.Давлатов изҳор намуд, ки «Тоҷикистониён ба Русия меҳру муҳаббати зиёд доранд». Пурсиши дар мамлакат гузаронидашуда нишон дод, ки 84 фоизи аҳолии Тоҷикистон ба Русия ҳусни таваҷҷӯҳ зоҳир менамояд.                                                                                                                            Тарҷумон — Қудратов А.