УБУРУ МУБУРИ ШАҲРВАНДОНИ ҶТ АЗ САРҲАДИ ӮЗБЕКИСТОН МАҲДУД КАРДА ШУД

             Душанбе, 2  декабр. АМИТ «Ховар»,   Анварбек  Сиддиқов). – Ҷумҳурии  Ӯзбекистон убуру  мубури  шаҳрвандони  Тоҷикистонро  аз   сарҳадҳои  худ  маҳдуд  сохт. Роҳбари  раёсати  иттилооти  вазорати корҳои  хориҷии  Ҷумҳурии  Тоҷикистон  Давлат  Назриев  ин  мавзӯъро  шарҳ  дода,  зикр  намуд,  шаҳрвандоне, ки   шиносномаҳои  дипломатӣ  доранд,  шаҳрванди  Русия  мебошанд, инчунин  шаҳрвандони  Тоҷикистон, ки аз  Ӯзбекистон  ба  ватан  бармегарданд, аз сарҳади Ҷумҳурии  Ӯзбекистон  бемалол  гузар  карда  метавонанд. Ҷониби  Ӯзбекистон қарори  маҳдуд  сохтани рафту  омади  шаҳрвандонро  тавассути  сарҳадҳои  худ  ба  таври  якҷониба  бе  огоҳ  намудани  ҷониби  Тоҷикистон  қабул  кардааст. Вазорати  корҳои  хориҷии  Тоҷикистон  айни  ҳол  ба  равшан  сохтани  ин  масъала  машғул  аст,  гуфт  Давлат  Назриев.