ЯРМАРКАИ ҶОИ КОР ВА ВАЗИФАҲОИ ХОЛӢ ДАР ДУШАНБЕ

           Душанбе, 11   декабр. (АМИТ «Ховар», Пайрав  Назаров). –  12  декабр  дар  маркази фарҳангии  ҷавонони «Ориёно»  ярмаркаи  ҷои  кору  вазифаҳои  холӣ  баргузор  мегардад. Аз  Кумитаи кор  бо  ҷавонон,  варзиш ва  сайёҳии  назди  Ҳукумати  ҷумҳурӣ  ба  АМИТ «Ховар»  хабар  доданд, ки  ярмаркаи  мазкур  бо  кӯмаки  Биржаи  меҳнат  ҳамроҳи  Агентии бо  кор  таъмин  кардани   аҳолии  шаҳри  Душанбе  гузаронида  мешавад.  Дар  ярмарка  намояндагони   корхонаю  ташкилотҳои  ҳамаи  минтақаҳои  мамлакат  ширкат  меварзанд.  Ба  бекорон  дар  корхонаю  муассисаҳо  ҷойҳои  холии  кор  пешниҳод  карда  мешавад. Хоҳишмандон  барои омӯхтани  касбу  ҳунарҳои  нав  ба  курсҳои  кӯтоҳмуддат  ё  омӯзишгоҳҳои  ҳунарӣ фиристода  хоҳанд  шуд.