ЯРМАРКАИ ИДОНА ДАР ДУШАНБЕ

          Душанбе,  29  декабр. (АМИТ «Ховар»,  Покиза  Маҳмадбекова). – Субҳи  имрӯз  бозори  маҳаллаи Қарияи  болои  шаҳри  Душанбе   хеле  серодам  буд. Аз  мақомоти  маҳаллии  иҷроияи  ҳокимияти  давлатӣ   ба  АМИТ «Ховар»  хабар  доданд, ки   имрӯз  дар  ин  ҷо  ярмаркаи  маҳсулоти  кишоварзӣ  кушода  шуд. Ташкилкунандаи  он  Иттиҳодияи  «Тоҷикматлубот»  мебошад.  Сардори  шӯъбаи  истеҳсоли  маҳсулоти   иттиҳодия   Фаррух  Қаюмов  зикр  намуд, ки   ярмаркаи  мазкур   ба  муносибати  иди  Соли  нав  ташкил  карда шуд ва  дар  он  бештар аз  450  тонна  маҳсулоти  гуногуни  кишоварзӣ  пешкаши  харидорон  гардонида  мешавад. Нархи  маҳсулот  дар  ярмарка  нисбат ба   нархи  бозор  20  фоиз  арзон  аст. Дар  ярмарка  маҳсулоти   хоҷагиҳои  деҳқонии  вилоятҳои  Суғду  Хатлон  ва  ноҳияҳои  тобеи  марказ  фурӯхта  мешавад.