ҚАРЗИ ПАРДОХТИ АНДОЗҲОИ ДАВЛАТӢ БА 506 МЛН. РАСИД

                   Душанбе, 28 январ.(АМИТ «Ховар», Лаззат Диловарзод).- Соли 2008 ба буҷаи ҷумҳурӣ 5 миллиарду 300 млн. сомонӣ ворид гардид, ки ин нисбат ба соли 2007 ба андозаи 1 миллиарду 600 млн. сомонӣ зиёд аст.                  Бовуҷуди беш аз 106 фоиз иҷро гардидани қисми даромади умумии буҷет нақшаи 4 намуди андоз иҷро нагардид, ки ин дар ҷаласаи васеи Ҳукумат боиси изҳори нигаронии Сарвари давлат шуд.                  Масъалаи бақияпулиҳои аз андоз то имрӯз роҳи ҳалли худро пайдо накардааст.  Дар соли 2008 ҳаҷми умумии қарзи андоз ва пардохтҳо 506 млн. сомониро ташкил дод, ки ин нисбат ба ҳамин давраи соли 2007 120 млн. сомонӣ зиёд мебошад.                  Як қисми ноҳияҳо ҳатто нақшаи солонаи қисми даромади буҷетҳои маҳаллиро иҷро карда натавонистанд.