ҚУРБОНИЁНИ АМАЛИЁТИ ҲАРБИИ ИСРОИЛ

          Ғаззаҳ,  6  январ. (АМИТ «Ховар» — РБК). – Аз  рӯи  маълумоти охирин,  дар  натиҷаи  амалиёти  ҳарбии  Исроил ба  муқобили  ҷунбиши «Хамос»  дар  воҳаи  Ғаззаҳ  бештар  аз  550  фаластинӣ  ҳалок  шуда, зиёда аз  2,5  ҳазор  нафар  маҷрӯҳ  гардид. Аксарияти  ҳалоку  маҷрӯҳшудагон  занону  бачагон ва   одамони  солхӯрда  мебошанд. Ба  қавли   намояндаи  духтурони  фаластинӣ  доктор Муовӣ  Ҳасаниён,   танҳо  дар  давоми  шабонарӯзи  охирин дар  натиҷаи  задухӯрдҳои  мусаллаҳона  камаш  20  кӯдак   ҳалок  шуд.         Тақрибан  аз чор як  қисми   ҳалокшудагон   сокинони   маҳаллӣ ва шахсони  ғайринизомӣ  мебошанд.Мухбири  АМИТ «Ховар»  ёдовар  мешавад, ки  ҳавопаймоҳои  низомии  Исроил  27  декабри  соли  гузашта  ба  муқобили  ҷунбиши  «Хамос»  амалиёти  ҳарбӣ  шурӯъ  намуданд. Ба  қавли  низомиён,  ҳадафи  амалиёт  нобуд  сохтани  пойгоҳҳои  ҳарбии   ҷунбиши  «Хамос»  мебошад.           3 январ   даври  дуюми  амалиёти  ҳарбӣ  дар  воҳаи  Ғаззаҳ  оғоз  ёфт.  Ба  ҳудуди он қисмҳои  ҳарбии  пиёданизоми  Исроил  дохил  гардиданд. Дар  изҳороти  расмии  вазорати  мудофиаи   Исроил  гуфта  мешавад, ки   ҳадафи  амалиёт  ишғоли  дубораи  воҳаи  Ғаззаҳ  набуда,  балки   аз  байн  бурдани  пойгоҳҳои  низомии  ҷунбиши  «Хамос»  мебошад. Қайд  карда  мешавад, ки  дар  ҷараёни   амалиёт  ҳамагӣ  панҷ  аскари  исроилӣ  ҳалок  шудааст.