ҲАҶМИ ГАРДИШИ САВДОИ ХОРИҶӢ 16,5 ФОИЗ АФЗУД

               Душанбе, 30 январ. (АМИТ «Ховар», Покиза Маҳмадбекова). — Дар соли сипаригашта Маҷмӯи маҳсулоти дохилии ҷумҳурӣ нисбат ба соли 2007 — ум 7,9 фоиз афзуда, 17 миллиарду 609,3 миллион сомонӣ ё 5134 миллион доллари ИМА-ро ташкил дод. Маҷмӯи маҳсулоти дохилӣ ба ҳар сари аҳолӣ дар соли 2007-ум 515 доллари ИМА ва дар соли 2008 ба 2390 сомонӣ ё 697 доллари ИМА баробар шуда, афзоиши он 35,3 фоиз таъмин гардид. Ин нуқтаро зимни нишасти матбуотӣ 29 январ, вазири рушди иқтисод ва савдои ҷумҳурӣ Ғуломҷон Бобозода ба хабанигорон иттилоъ дод.               Ӯ афзуд, ки ҳаҷми маҳсулоти саноатӣ дар соли сипаригардида нисбат ба соли 2007-ум 4 фоиз камтар шуда, 5 миллиарду 905 миллион сомониро ташкил дод. Хаҷми маҷмӯи маҳсулоти кишаврзӣ бошад, дар ин давра 7 миллиарду 807,3 миллион сомонӣ таъмин гардид, ки ин нишондиҳанда нисбат ба ҳамин давраи соли гузашта 7,9 фоиз зиёд аст.               Бояд қайд кард, ки дар соли 2008 робитаҳои иқтисодии хориҷии ҷумҳурӣ, ҳам бо кишварҳои ИДМ ва ҳам бо мамлакатҳои хориҷаи дур густариш ёфта, гардиши савдои хориҷӣ 4 миллиарду 676,2 миллион доллари ИМА-ро ташкил дод, ки назар ба соли гузашта 16,5 фоиз афзуда аст.