ҶАМЪБАСТИ НАТИҶАҲОИ СОЛИ ГУЗАШТА
Қӯрғонтеппа, 7 январ. (АМИТ «Ховар», Мурод Сотиев).- Прокурори вилояти Хатлон Фозилҷон Охунов ба хабарнигорон гуфт, ки мақомоти муҳофизи қонуни вилоят дар давоми соли 2008- ум 2 тоннаю 213 килограм маводи нашъадорро мусодира намуданд. Вай зикр намуд, ки аз рӯи ҷиноятҳои вобаста ба хариду фурӯши ғайриқонунии маводи нашъадор ва истеъмоли он соли гузашта 215 парвандаи ҷиноӣ кушода шуд. Соли 2007 дар ин ҷо 1 тоннаю 755 килограм маводи нашъадор мусодира шуда буд. Ф.Охунов дар ин бобат фаъолияти самарабахши мақомоти муҳофизи қонуну тартиботро таъкид намуд. Прокурор ҳамзамон роҷеъ ба афзудани теъдоди ҷиноятҳои вобаста ба қаллобӣ изҳори ташвиш намуд. Қайд карда шуд, ки соли гузашта дар вилоят теъдоди ҳодисаҳои худкушии одамон то андозае кам шуд. Соли 2007 дар саросари вилоят 123 воқеаи худкушӣ ба қайд гирифта шуда буд, соли 2008- ум 120 нафар ба ҷони худ қасд намуд. Аз ин миқдор 25 воқеа бар асари бемориҳои руҳӣ рух дода, 40 воқеа ба муноқишаҳои оилавӣ вобаста мебошанд. Аз рӯи чунин воқеаҳо 9 парвандаи ҷиноӣ кушода шудааст.
Аз 1 то 3 май дар баъзе шаҳру ноҳияҳои Тоҷикистон ифлосшавии ҳавои атмосферӣ дар назар аст
Монографияи илмӣ оид ба журналистикаи сайёҳӣ ба нашр расид
«ТОҶИКИСТОНИ МАН!». Дар шаҳри Ҳисор маҳфил-озмун ҷамъбаст гардид
Имрӯз дар минтақаҳои доманакӯҳии ноҳияҳои тобеи Тоҷикистон сар задани сел пешгӯӣ мешавад
Сокини ноҳияи Кӯшониён аз ҳар қуттӣ кирмак то 35 килограмм пилла ба даст меорад
Имрӯз дар баъзе минтақаҳои Тоҷикистон борон меборад
Имрӯз дар баъзе минтақаҳои Тоҷикистон рӯзона борони кӯтоҳмуддат меборад
Дар шаҳри Бӯстон доир ба татбиқи лоиҳаҳои муштараки иҷтимоӣ бо соҳибкорон вохӯрӣ баргузор шуд
Дар даҳсолаи охир дар ҷаҳон шумораи одамони бо гуруснагии фалокатбор рӯбарӯ нуҳ маротиба афзоиш ёфтааст
Имрӯз дар шаҳри Душанбе ҳаво то 29 дараҷа гарм мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Озмуни ҷумҳуриявии «Ҷавонон муқобили коррупсия» баргузор мешавад
