ҶАСАДИ АВВАЛИН РАИСИ ҶУМҲУРИИ АФҒОНИСТОНРО ДАР ПУЛИ — ЧАРХӢ ЁФТАН

        Афғонистон, 15 январ. (АМИТ «Ховар», Илҳом Нарзиев).-Дар нишасти матбуотие, ки дирӯз дар шаҳри Кобул гузашт, Файзулло Кокар —  раиси комиссиони муваззаф ҷиҳати шиносоӣи ҷасади аввалини раиси ҷумҳурии Афгонистон Сардор Муҳаммад Довудхон, ва аҷсоди хонаводаашон ба сурати қотеъ изҳор дошт, ки  ҷасади аз  тобути гури дастаҷамъии шонздаҳ нафаре, ки тобистони соли гузашта аз полигони Пули – Чархӣ  дарёфт шуд, марбути Сардор Муҳаммад Довуд мебошад. Ба гуфтаи мавсуф, назар ба мушаххасоти ба даст омада, ва бо истифода аз имконоти тиббӣ, адли ва таи мароҳил ба шеваи хос суръат гирифтааст, ки дар натиҷа ба шиносоӣи дақиқи ҷасад роҳ ёфтаанд.           Ин шиносоӣ бо тариқи ҷамъоварии иттилоот, мадорик ва маълумоти аз шаҳрвандони кишвар, ақориби марҳум, ба хусус Сардор Султон Маҳмуди Ғозӣ, генерал Анваршо Хон, ва Ғулом Дарвешхон, чанд нафар-хизмати шахсии шаҳид минхайси шоҳиди айнӣ  ба шиносоӣи ҷасади Довудхон  мутаақим гардиданд. Ф. Кокар аз нишонаҳои қолаби дандонҳои сохтагӣ, ки аз назди докторони Олмонӣ тавассути Сардор Султони Маҳмуди Ғозӣ ба Кобул мунтақил, ва ҳамчунон як ҷилд Куръони Шарифи  ҷайбӣ, ки аз сӯи шоҳи вақти Арабистони Саудӣ таври тӯҳфа ба он марҳум дода шуда буд ва бо иродаи як теъдод шавоҳиди дигар, ҷасади дарёфт шуда, марбути Сардор Муҳаммад Довудхон аст.          Файзулло Кокар гуфт, ки бар асоси шавоҳиде, ки ҷамъоварӣ шудааст собит гардидааст, ки ҷасади зери омӯзиш қарор дошта марбути шаҳид Довудхон буда, аввалин раиси Ҷумҳурии Афгонистон аст. Ба гуфтаи Ф. Кокар, Президент Ҳомид Карзай ба ин комиссион ҳидоят додааст то аҷсоди дигари аъзоёни хонаводаи шаҳидро бо аҷсоди муҳофизоне, ки дар он замон ба шаҳодат расиданд, низ дарёфт ва шиносоӣ кунанд. Ҳамчунон раиси ҷумхур ба вазорати дифои миллӣ ҳидоят додааст, то ҷиҳати тадфиқи ҷасади Сардор Муҳаммад Довудхон ва аҷсоди хонаводаи марҳум иқдомоти лозимӣ намояд.