2 ҲАЗОР ҶОЙИ НАВИ КОРӢ ?

                Душанбе, 27 январ. (АМИТ «Ховар», Бекназари Абӯбакр). — Танҳо дар зарфи нимсолаи дуюми соли 2008 музди меҳнати миёнаи коргарон дар Иттифоқи «Тоҷикматлубот» 50 фоиз рӯ ба афзоиш ниҳода, дар соҳа 1 ҳазору 140 ҷойи нави корӣ ташкил гардид.                 Раиси Иттифоқи «Тоҷикматлубот» Сироҷиддин Валиев дар сӯҳбат бо мухбири АМИТ гуфт, ки асоси фаъолияти «Тоҷикматлубот»-ро дар давраи ҳисоботӣ вазифаҳое ташкил мекарданд, ки аз сафарҳои кории Сарвари давлат ба вилоятҳои Суғду Хатлон, ВМКБ ва шаҳру ноҳияҳои ҷумҳурӣ ба миён омада буданд. Аз ҷумла, тибқи дастуру супоришҳои Президенти кишвар дар шаҳри Хоруғ коргоҳи истеҳсоли маҳсулоти қаннодӣ, дар ноҳияҳои Ванҷу Роштқалъа коргоҳҳои қаннодию дӯзандагӣ таъсис дода шуд, ки дар натиҷа 46 нафар бо ҷои кори доимӣ таъмин гардид.                 Сироҷиддин Валиев мӯътакид бар он аст, ки дар соли 2009 ҳаҷми умумии муомилоти чаканаи молӣ 20 фоиз, муомилоти муассисаҳои хӯроки умумӣ 50,9 фоиз, хари два захираи маҳсулоти кишоварзӣ 41,8 фоиз, молҳои ниёзи мардум 30 фоиз ва ҳисса ҷудокуниҳо ба андоз ва фонди ҳифзи иҷтимоии аҳолӣ 8,6 фоиз зиёд карда шуда, дар соҳа қариб 2 ҳазор ҷойи нави корӣ ташкил мегардад.