АЗ БУНБАСТИ КОММУНИКАТСИОНӢ ЧӢ ГУНА РАҲОӢ ЁБЕМ

            Душанбе, 31 январ. (АМИТ «Ховар», Лаззат Диловарзод).- Бино ба маълумоти Вазорати нақлиёт ва коммуникатсия, бо мақсади татбиқи ҳадафҳои аз бунбасти коммуникатсионӣ баровардани мамлакат бунёду азнавсозии роҳҳои автомобилгарди Шоҳон-Зиғар, Шикев-Зиғар, Душанбе-Чанок, Душанбе-Саритош, сохтмони нақбҳои Истиқлол, Шаҳристон ва Шаршар идома дода мешаванд.            Бо истифода аз маблағҳои давлатӣ ва лоиҳаҳои сармоягузорӣ дар ҷумҳурӣ 1200 километр роҳҳои мошингард, 14 километр нақбҳо, 93 пул ва 5 километр иншооти зиддитармавӣ бунёд ва тармим шуда истодааст.            Солҳои наздик ба азнавсозии роҳҳои мошингарди Қурғонтеппа-Панҷ, Душанбе-Турсунзода, Душанбе-Данғара ва сохтмони нақби Чормағзак шурӯъ карда мешавад.            Бо мақсади ба қаламрави транзитӣ табдил додани Тоҷикистон роҳҳои мошингарди кишвар ба стандартҳои ҷаҳонӣ мутобиқ гардонида мешаванд.