АЗ ВМКБ ДАР РУСИЯ БЕШТАР АЗ 20 ҲАЗОР НАФАР КОР МЕКУНАД

           Душанбе, 19 январ. (АМИТ «Ховар», Покиза Маҳмадбекова).- Аз рӯи маълумоти расмӣ, айни ҳол аз  Вилояти Мухтори Кӯҳистони Бадахшон дар минтақаҳои гуногуни Федератсияи Русия зиёда аз 20 ҳазор нафар кор мекунад. Ин  бештар аз 10 фоизи  аҳолии  вилоятро ташкил медиҳад. Соли 2008 ба воситаи филиалҳои «Агроинвестбонк» ба ВМКБ аз мамлакатҳои хориҷӣ бештар аз 20,6 миллион доллари ИМА, ба воситаи филиалҳои «Амонатбонк » бештар аз 10,2 миллион доллари ИМА  ворид гардид. шуд.  Умуман соли гузашта аз хориҷӣ кишвар ба ВМКБ 36,6 миллион доллар  фиристода шуд, ки нисбат ба соли 2007 — ум  13 миллиону 219 ҳазор доллар зиёд аст. Қисми зиёди ин маблағҳоро  коргарони  муҳоҷир аз Русия фиристодаанд.