АЗ ЗИМИСТОНИ СОЛИ ГУЗАШТА ХУЛОСА НАКАРДАНД

                     Душанбе, 27 январ. (АМИТ «Ховар», Лаззат Диловарзод).- Бино ба маълумоти Кумитаи давлатии омор, барои зимистонгузаронии чорво дар корхонаҳои кишоварзӣ ва хоҷагиҳои деҳқонӣ (фермерӣ) 247658 тонна ё 89 фоизи нақшаи солона хӯроки чорво (ба ҳисоби воҳиди хӯрока) захира карда шудааст. Аз ҷумла, иҷрои нақша дар хоҷагиҳои вилояти Суғд 76 фоиз, ноҳияҳои Роғун-57, Шаҳринав-52, Турсунзода-36, Варзоб-34 фоизро ташкил медиҳад. Ба ҳисоби миёна ба ҳар як сар чорво 9,5 сентнерӣ воҳиди хӯрока захира карда шудааст,ки он аз сатҳи миёнаи нишондиҳандаи ҷумҳурӣ аз 0,5 то 1,7 сентнер камтар мебошад.                      Дар сурати сахт омадани зимистон, соли ҷорӣ нарасидани захираи хӯрока дар мавсими сармо чун порсола аз нав такрор шуда, боиси талафи чорво хоҳад шуд. Ва ин далели он аст, ки мутахассисон ва чорводорон аз зимистони соли гузашта хулоса накарданд.