БҶ БА ҶТ БАРОИ РУШДИ СОҲАИ ГИДРОЭНЕРГЕТИКА КӮМАК МЕРАСОНАД
Душанбе, 31 январ. (АМИТ «Ховар», Темур Бандишоев). — Президенти Ҷумҳурии Тоҷикистон Эмомалӣ Раҳмон 30 январ бо мудири Бонки ҷаҳонӣ дар мамлакатҳои Осиёи Марказӣ Мотто Кониши мулоқот кард. Мудири Бонки ҷаҳонӣ баъди анҷоми мулоқоташ бо Сардори давлат зимни сӯҳбат бо хабарнигорон зикр кард, ки рушди соҳаи гидроэнергетика дар Тоҷикистон ва пешгирии оқибатҳои бӯҳрони ҷаҳонии молиявӣ аз ҷумлаи масъалаҳои асосии мулоқот буд. Қайд карда шуд, ки Бонки ҷаҳонӣ дар оянда ҳам ба Тоҷикистон дар бобати рушди соҳаи гидроэнергетика кӯмак хоҳад расонд. Зеро пешрафти ин соҳа на танҳо барои Тоҷикистон муҳим аст, балки ба манфиати мамлакатҳои минтақа мебошад. М.Кониши изҳор намуд, ки бӯҳрони ҷаҳонии молиявӣ ба тамоми мамлакатҳои ҷаҳон таъсири манфӣ мерасонад. Мамлакатҳои ҷаҳон дар давоми як — якуним сол ба душвориҳои ҷиддии иқтисодӣ мувоҷеҳ хоҳанд гашт. Бонки ҷаҳонӣ кӯшиш хоҳад кард, ки оқибатҳои бӯҳрон сари вақт бартараф карда шаванд, гуфт М.Кониши.
Имрӯз дар водиҳои Тоҷикистон чангу ғубор ба амал меояд
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
