БА БОЛОРАВИИ НАРХИ МАҲСУЛОТҲО ХАДАМОТИ ГУМРУК ГУНАҲГОР НЕСТ

               Душанбе, 21 январ. (АМИТ «Ховар», Анварбек Сиддиқов).- «Таъсири мақомоти гумрук ба боло рафтани нархи фурӯши маҳсулоти нафтӣ дар бозорҳои дохилии кишвар нест. Чунки ягон санади меъёрию ҳуқуқии Ҷумҳурии Тоҷикистон дар мавриди тағйир додани андоз ва боҷу хироҷҳои гумрукӣ тағйир дода нашуданд. Вобастагии тағйирёбии нархи маҳсулоти нафтӣ дар ҷумҳурӣ мустақиман ба фаъолияти департаменти зидди инҳисории вазорати рушди иқтисод ва савдо марбут аст, ки то андозае ба тағйир додани нархҳои маҳсулот дар ҷумҳурӣ таъсир мерасонанд»,- гуфт муовини раиси Хадамоти гумруки назди Ҳукумати Ҷумҳурии Тоҷикистон Нуриддин Маҳмадов дар нишасти матбуотие, ки 21 январ шуда гузашт.             Инчунин, номбурда қайд кард, ки дар соли сипаришуда ба ҷумҳури 539,4 ҳазор тонна маҳсулоти нафти ворид шуд, ки нисбат ба соли 2007 20,6 ҳазор тонна зиёд мебошад. Аз ҷумла 280,8 ҳазор тонна бензин ва 144, 7 ҳазор тонна сӯзишвории дизели ворид гашт.