БА БУҶАИ ҶТ 24,8 МИЛЛИОН СОМОНӢ АЗ ҲИСОБИ ХУСУСИГАРДОНӢ ВОРИД ГАРДИД

Душанбе, 6 январ. (АМИТ «Ховар», Бекназари Абӯбакр).- Дар давоми соли 2008 Кумитаи давлатии сармоягузорӣ ва идораи амволи давлатии Ҷумҳурии Тоҷикистон дар шаҳру ноҳияҳои мамлакат 126 музояда гузаронидааст.   Дар кумитаи мазкур ба мухбири АМИТ «Ховар» иттилоъ доданд, ки аз ҳисоби хусусигардонии моликияти давлатӣ ба буҷаи ҷумҳурӣ 24,8 миллион сомонӣ ворид гардид, ки нисбат ба соли 2007-ум 923 ҳазор сомонӣ зиёд аст. Аз ҳисоби иҷораи моликияти коммуналӣ дар ин давра 3,5 миллион сомонӣ ба буҷаи мамлакат ворид шуда, дар баъзе идораҳои давлатӣ вазъи нигаҳдории моликияти давлатӣ ташвишовар аст. Бояд зикр кард, ки дар соли 2008 дар ҷумҳурӣ 16,3 ҳазор субъектҳои хоҷагидор ва 118,5 ҳазор нафар соҳибкор ба қайд гирифта шуд.