БЕКОРОН СОҲИБИ КОР ГАШТАНД

                                                                       Қӯрғонтеппа, 16 январ. ( АМИТ  «Ховар»  Мурод Сотиев).- 15 январ дар шаҳри Қӯрғонтеппа ярмаркаи ҷои кору вазифаҳои холӣ  баргузор гардид. Муовини сардори  раёсати муҳоҷират ва шуғли аҳолии  вилояти Хатлон Ризоқул Ҷӯраев ба АМИТ «Ховар» хабар дод, ки  дар ярмарка намояндагони 55 корхонаю муассиса ба бекорон 1012 ҷои холии корро  пешниҳод намуданд. Хабар дода шуд, ки  ба туфайли ярмаркаи мазкур 320 нафар аз рӯи ихтисос кори мувофиқ пайдо кард. 150 нафар барои омӯхтани касбҳои нав ба курсҳои кӯтоҳмуддат фиристода, 120 нафари дигар ба корҳои пулакии ҷамъиятӣ ҷалб карда шуд.