БОНКҲО БАРОИ ДОДАНИ ҚАРЗ БЕШТАР МАБЛАҒ ҶУДО МЕКУНАНД

               Душанбе, 23 январ. (АМИТ «Ховар», Покиза Маҳмадбекова). — Соли 2008 филиалҳои бонкҳо дар Вилояти Мухтори Кӯҳистони Бадахшон ба аҳолӣ ба маблағи қариб 78,5 миллион сомонӣ қарз доданд. Аз ҷумла, филиали Бонки нахустини сармоягузории хурд дар давоми соли гузашта зиёда аз 32,5 миллион сомонӣ, филиали «Агроинвестбонк» бештар аз 18 миллион сомонӣ ва филиали «Амонатбонк» қариб 21 миллион сомонӣ қарз додаанд. Илова бар ин, се фонди қарзҳои хурд ба мизоҷони худ ба маблағи 2,5 миллион сомонӣ қарзҳои дарозмуддат доданд. Қарзҳои мазкур асосан барои рушди соҳаҳои тиҷорати хурду миёна ва кишоварзӣ дода шудаанд.               Мухбири АМИТ «Ховар» хабар медиҳад, ки имрӯз дар маркази ВМКБ филиалҳои Бонки миллӣ, Бонки нахустини сармоягузории хурд, «Тоҷиксодиротбонк», «Агроинвестбонк», «Ориёнбонк» ва «Амонатбонк» фаъолият доранд.                                                                                                                                                      Тарҷумон — Қудратов А.