ДАР ДУШАНБЕ ИСТЕҲСОЛОТ РУШД МЕЁБАД

          Душанбе, 16 январ.(АМИТ «Ховар», Марзия Саидова).- Дар соли сипаригардидаи 2008-ум  дар комплекси саноатии пойтахт 18 корхонаи нав ташкил карда шуд, ки онҳо ба маблагӣ 8 миллион сомонӣ молҳои гуногуни саноатӣ  истеҳсол карданд, зикр шуд дар ҷаласаи ҷамъбастии мақомоти иҷроияи ҳокимияти давлатии пойтахт. Бо фаъолият шурӯъ кардани ин корхонаҳо, дар пойтахт 350 ҷойи корӣ тавлид гардид. Дар ин давра дар пойтахт суръати афзоиши  саноати электротехникӣ ва коркарди металл 165,4 %,  саноати сабук- 128,4 % , саноати хӯрокворӣ ва коркард-113,6 %,  саноати полиграфӣ 110,5%,  саноати кимиёвӣ-104,9 % ва дигар соҳаҳои саноат 121,9 % -ро ташкил дод. Дар маҷмӯъ бо назардошти сектори  ғайридавлатӣ дар ҳаҷми 510,1 миллион сомонӣ маҳсулоти саноатӣ исҳсол карда шуд, ки он нисбати нишондоди соли 2007-ум 100,4 %-ро ташкил медиҳад.