ДАР МИНТАҚАИ КӮЛОБ ТАМОШОИ ТЕЛЕВИЗИОНИ «САФИНА» БЕҲТАР ХОҲАД ГАШТ

Кӯлоб, 14 январ. (АМИТ «Ховар», Сулаймон Холов).- Муовини аввали ҶСШК «Телерадиоком»-и назди кумитаи телевизион ва радиои Ҷумҳурии Тоҷикистон Хуршед Ҳабибов мегӯяд, ки мавҷи телевизиони «Сафина» дар вилояти Хатлон тариқи канали 3 пахш карда мешавад, вале мавҷқабулкунаки шаҳрвандон ба канали 6-12 мутобиқ гардонида шудааст. Хуршед Ҳабибов илова намуд, ки таҷҳизоти мавҷпаҳнкунӣ, ки дар мавзеи «Тошрубот» мавҷуд аст иқтидораш паст мебошад. Охири соли 2008 аз ҷониби ҶСШК «Тоҷиктелеком» бо яке аз ширкатҳои Украина шартнома ба имзо расидааст, ки тибқи он дар семохаи аввали соли 2009 ду таҷҳизоти пурқудрати мавҷпаҳнкунӣ дар вилояти Суғд ва Хатлон васл карда мешавад, ки он имкон медиҳад,  сифати мавҷпаҳнкунӣ дар вилоятҳои мазкур беҳтар гардид.           Бояд гуфт, ки шаҳрвандони ноҳияҳои Фархор, Ҳамадонӣ ва Шӯрообод барномаҳои телевизионии Ҷ. И. Афғонистонро тамошо мекунанд.