ДАР ТОҶИКИСТОН БОЗ ЗАМИН ҶУНБИД

        Душанбе,  5  январ. (АМИТ «Ховар»,  Лутфия  Эшонқулова). –  Шаби  5  январ  дар  қаламрави  Ҷумҳурии  Тоҷикистон боз  замин  ҷунбид. Аз  маркази  зилзилашиносии «Душанбе»  ба  АМИТ «Ховар»  хабар  доданд, ки   зилзила  соати 4 – у 13  дақиқа  рух  дод.  Маркази он  дар  масофаи  300 километрии  самти  ҷанубу шарқи  шаҳри  Душанбе дар  қаламрави  Афғонистон,  дар  минтақаи  кӯҳҳои  Ҳиндукуш  воқеъ  буд. Қувваи  зилзила  дар  Душанбе  ба  3  балл  расид. То  ҳол  дар  бораи  зарарҳо  ва оқибати  зилзила  ягон  хабар  нарасидааст. Аз рӯи  маълумоти  зилзилашиносон,  ҳар  сол  дар  қаламрави  Тоҷикистон бештар  аз 3000  зилзила ба  қайд  гирифта  мешавад.