ДАРОМАДИ ПУЛИИ АҲОЛӢ БА 7 МЛРД. 758 МЛН.СОМОНӢ РАСИД

               Душанбе, 26 январ. (АМИТ «Ховар», Лаззат Диловарзод).- Бино ба суханони вазири меҳнат ва ҳифзи иҷтимоии ахолӣ Шукурҷон Зуҳуров, соли 2008 музди меҳнати миёнаи номиналии кормандони ҷумҳурӣ 234,27 сомониро ташкил дод, ки дар муқоиса ба соли 2007 54,4 фоиз афзоиш ёфтааст.               Афзоиши музди меҳнат нисбат ба афзоиши индекси нархҳои истеъмолӣ зиёд бошад ҳам, андозаи он нисбат ба афзоиши сабади озуқаворӣ бешубҳа нокифоя аст. Вале набояд фаромӯш кард, ки ҳаҷми умумии даромади пулии аҳолӣ дар соли гузашта 7 млрд.758 млн. сомониро ташкил намуд, ки аз ҳаҷми умумии маош 5 маротиба зиёд аст, гуфт вазир дар ҷаласаи васеи ҳайати мушовараи кормандони вазорат.