ДАВЛАТ БА РУШДИ ХОҶАГИИ ОБИ ВИЛОЯТ КӮМАК МЕРАСОНАД

           Қӯрғонтеппа, 7 январ. (АМИТ «Ховар», Мурод Сотиев).- Мақомоти иҷроияи ҳокимияити давлатӣ имсол барои таъмини фаъолияти мӯътадили муассисаҳои  оби вилояти Хатлон кӯмак мерасонанд. Айни ҳол каналҳои мавҷударо тоза кардан зарур аст, вале ташкилоту муассисаҳо барои ин маблағи зарурӣ надоранд.        Тавре ки  сардори  раёсати хоҷагии оби вилоят Мирзоалӣ Собиров ба АМИТ «Ховар» хабар дод, дар иҷлосияи охирини маҷлиси вакилони мардумии вилоят барои рушди  хоҷагии об маблағи зарурӣ ҷудо карда шуд. Соли 2008 барои  таъмини фаъолияти  хоҷагии об 583 ҳазор сомонӣ сарф гардид. Соли равон бо ин мақсад 2,6 миллион сомонӣ ҷудо карда шуд. М.Собиров зикр кард, ки ин маблағ барои беҳтар сохтани фаъолияти хоҷагии оби вилоят кифоя мебошад.