ДУХТУРОНИ ОИЛАВӢ БОЗОМӮЗӢ КАРДА МЕШАВАНД
Душанбе, 9 январ. (АМИТ «Ховар», Лаззат Диловарзод).- Донишкадаи такмили ихтисоси баъдидипломии кормандони соҳаи тиб бо таъсис ёфтани худ дар тайёр намудани мутахассисони баландихтисос корҳои зиёдеро ба сомон расонидааст. Аз таъсис ёфтани донишкада вақти зиёд нагузашта бошад ҳам, аммо муваффақиятҳои дар соҳаи бозомӯзии духтурони баландихтисос ба дастовардааш беназир аст. Дар давоми чанд соли фаъолияти донишкада беш аз 4 ҳазор духтурон аз курсҳои бозомӯзӣ гузашта, ба ҷойи кори худ баргаштанд. Донишкада дар тайёр кардани духтурони оилавӣ ҳам саҳми арзанда мегузорад. Ба наздикӣ баробари дигар духтурони оилавӣ, 4 нафар корандони миёнаи тиббии Маркази тиби оилавии вилояти Мухтори Кӯҳистони Бадахшон аз курси такмили ихтисоси 11 моҳаи баъдидипломӣ гузаштанд ва барои фаъолияти минбаъда ба Маркази тиби оилавии шаҳри Хоруғ баргаштанд. Донишкада барои равнақ бахшидани соҳаи нав- тиби оилавӣ чорабиниҳои боз ҳам беҳтарро ба нақша дароварданист,- иброз дошт директории донишкадаи мазкур, профессор-Аламхон Аҳмадов.
Имрӯз дар ноҳияҳои алоҳидаи кӯҳии Тоҷикистон борон меборад
Муассисаҳои таълимии ноҳияи Муъминобод ба зимистонгузаронӣ омода карда мешаванд
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
«МегаФон Тоҷикистон»: зеҳни сунъӣ- муфид ва бехатар
