ЭҲТИЁҶМАНДОН СОҲИБХОНА МЕШАВАНД ?

               Душанбе, 26 январ. (АМИТ «Ховар», Лаззат Диловарзод).- Бино ба гуфти директори Агентии сохтмон ва меъмории Ҷумҳурии Тоҷикистон Абдувалӣ Комилов, соли 2009 дар пойтахт 30 бинои нави баландошёна сохта ба фурӯш гузошта мешаванд.               Айни замон дар ҷумҳурӣ бештар аз 1200 ширкатҳои сохтмонӣ ба корҳои бунёди роҳ, манзил ва дигар иншоотҳо машғуланд. Танҳо соли 2008 аз ҷониби ширкатҳои сохтмонӣ 30 бинои манзили истиқоматӣ сохта ба истифода дода шудааст. Ба роҳ мондани чунин сохтмони васеъ танҳо соли 2008 дар натиҷаи тибқи сармоягузории дохилу хориҷ ба миён омад.               Шаҳрдорӣ тасмим гирифтааст, ки дар асоси нақшаи генералӣ симои шаҳри душанберо ба муносибати 20-солагии Истиқлолияти Ҷумҳурии Тоҷикистон ба тамом тагйир диҳад. Бо ин мақсад раиси шаҳр Институти нави таҷдиди Душанберо таъсис доданист.