ФАРРУХ АМОНАТОВ – ДАР САДГОНАИ БЕҲТАРИН

Душанбе, 7 январ. (АМИТ «Ховар», Пайрав Назаров). – Федератсияи байналмилалии шоҳмот (ФИДЕ) рӯйхати шоҳмотбозони беҳтарини ҷаҳонро дар соли 2009 нашр кард. Шоҳмотбози тоҷик, гроссмейстери дараҷаи байналмилалӣ Фаррух Амонатов дар ин рӯйхат бо 2647 хол мақоми 78-умро касб кард.  Дар ин рӯйхат 102 шоҳмотбозӣ беҳтарини ҷаҳон шомил шудаанд.Унвони шоҳмотбози беҳтарини сайёра тибқи ин рӯйхат насиби варзишгари булғор Веселин Топалов гардид. Ба сегонаи беҳтарин, инчунин шоҳмотбози ҳиндустонӣ Вишванатан Ананд ва  шоҳмотбози укроинӣ  Василий Иванчук дохил шуданд.            Дар байни шоҳмотбозони тоҷик чун пештара Фаррух Амонатов дар мақоми аввал мебошад. Мақомҳои ифтихориро  Ҷамшед Исоев ва  Муҳаммад Ҳусейнзода низ касб карданд.  Аз байни занон сегонаи беҳтаринро Елена Нуриддинова, Шаҳноза Умарова ва Надежда Антонова ишғол намуданд.