ФФТ БЕҲТАРИНҲОРО МУАЙЯН НАМУД

         Душанбе, 7 январ. (АМИТ  «Ховар», Пайрав Назаров). – Федератсияи  футболи  Тоҷикистон «Футболбози беҳтарин»-и соли 2008-ро муайян кард.  Имсол ин унвон насиби  бозингари дастаи «Регар» ТадАЗ-и шаҳри Турсунзода Хуршед Махмудов гардид.       Дар баробари ин, ФФТ ғолибонро аз рӯи дигар бахшҳо, аз қабили «дарвозабони беҳтарин»-Насим Баротов («Хуҷанд», ш.Хуҷанд), «ҳимоятгари беҳтарин»-Эраҷ Раҷабов («Динамо», ш. Душанбе), « нимҳимоятгари беҳтарин»-Юсуф Рабиев («Хуҷанд»), «ҳамлагари беҳтарин»- Сӯҳроб Ҳамидов («Энергетик», ш. Душанбе), «нишонзани беҳтарин»-Нӯъмон Ҳакимов («Парвоз», н.Бобоҷон Ғафуров, 30 гол дар 40 вохӯрӣ),  «мураббии беҳтарини сол»-Маҳмадҷон Ҳабибуллоев, сармураббии дастаи «Регар» ТадАЗ, «мураббии беҳтарини футболи кӯдакону наврасон»-Бахтёр Ҳакимов (ш.Истаравшан) ва «довари беҳтарин»-Рустам Холов  (ш. Душанбе) муайян намуд.