ХОҶАГИҲОИ ПЕШСАФ

                                                                       Ноҳияи Бобоҷон Ғафуров, 10 январ. (АМИТ «Ховар», Самад Юсуфӣ ).-  Ассотсиатсияи хоҷагиҳои  деҳқонии ба номи Домулло Азизов, ки 1568 гектар  замини пахта дорад, яке аз аввалинҳо шуда дар ноҳия  шудгори тирамоҳиро хушсифат ба охир расонд. Хоҷагии деҳқонии ба номи Абдураҳимсаркор 21гектар замин дорад ва соҳаи асосии он   боғпарварӣ мебошад.Ба хоҷагии мазкур деҳқони асил Абдуҳалим Раҳмонов роҳбарӣ мекунад. Коргарони хоҷагӣ дар масоҳати 30 сотих гармхона бунёд карда, дар он  бештар аз 10 ҳазор бех ниҳоли   лимӯ кӯчат карданд. Дар чойҳои холии гармхона  сабзавоти барвактӣ –пиёз, помидор, бодиринг ва ғайра парвариш карда мешавад. Дар  хоҷагии деҳқонии мазкур солҳои 2007-2008  дар масоҳати 4 гектар боғи нав бунёд карда шуд. Ниҳолҳои зардолуи қандак ва хурмои парваридаи   Абдуҳалим Раҳмонов дар озмуни боғпарварон  яке аз ҷойхои беҳтаринро ишғол намуд. Ҳар сол ин хоҷагӣ ҳазорҳо бех ниҳолҳои гуногунро  ба фурӯш мебарорад.