ХОҶИОШӢ БА КӮДАКИСТОНУ ЯТИМХОНА

          Душанбе, 13 январ. (АМИТ «Ховар», Лаззат Диловарзод).- Бино ба иттилои мудири бахши танзими анъана ва ҷашну маросимҳои Дастгоҳи раиси вилояти Суғд Мавҷуда Мирпочоева, дар соли 2008 барои баргузории маъракаҳои ҷашну маросимҳои дар вилоят баргузоргардида 90 миллион сомонӣ харҷ гардидааст, ки нисбат ба як сол пеш 50 млн.сомонӣ  камтар аст.          Як қисм ҳоҷиёни виляти Суғд тасмим гирифтанд, ки маблағи ҳоҷиоширо, ки солҳои пеш барои ҳаққу ҳамсоя, хешу табор, ёру ошно сарф карда мешуд, акнун ба кӯдакистону хонаҳои ятимон ва муассисаҳои статсионарӣ, ки дар онҳо бепарасторон нигоҳубин мешаванд сарф намоянд. Дар шароити имрӯза, ки бӯҳрони молиявӣ тамоми оламро фаро гирифта, мушкилоти таъмини маҳсулоти истеъмолиро ба бор овардааст, чунин иқдоми ҳоҷиён боиси дастгирист.