ИНТИКОЛИ ГАЗИ ТАБИӢ ДАР КӮЛОБ АФЗОИШ ЁФТ

                     Кӯлоб, 22 январ. (АМИТ «Ховар», Сулаймон Холов).- Баъди аз кор баромадани чоҳҳои кони гази Хочасартез ва якчанд чоҳи гази Балҷувон интиқоли гази табиӣ ба шаҳри Кӯлоб дар соли 2006 ҳамагӣ 6,5 ҳазор метри мукаабро ташкил медод. Ба хотири таъмини пурраи аҳолии шаҳри Кӯлоб бо ин маводи сӯхт бо дастгирии Ҳукумати Ҷумҳурии Тоҷикистон дар соли 2008-ум барои аз нав эҳё намудани чоҳҳои гази Хоҷасартез чораҳои зарурӣ андешида шуд. Дар натиҷа оғози соли 2009 яке аз чоҳҳои кони гази Хоҷасартез ба кор даромада интиқоли гази табиӣ ба шаҳри Кӯлоб зиёд гардид.                   Зиёд гардидани интиқоли гази табиӣ ба шаҳри Кӯлоб имкон фароҳам овард, ки қисми зиёди хонаҳои баландошёна бо ин намуди сӯзишворӣ таъмин гарданд. Шаҳрвандон бошанд бо раҳоӣ ёфтан аз ин мушкилӣ минатдории худро ба ҳукумати мамлакат ва кормандони соҳа баён намуданд.                    Бояд қайд намуд, ки кормандони Ҷамъияти Саҳомии Шакли Кушодаи "Кӯлобгаз" дар самти ҷамъоварии маблағ аз истифодабарандагон ба мушкилиҳо рӯ ба рӯ гардиданд. Дар соли 2008 қарздории аҳолӣ ва корхонаи истеҳсоли "Хишти Кӯлоб" аз Кӯлобгаз нисбати соли 2007 зиёд гардидааст.                   Айни ҳол ҶСШК "Кӯлобгаз" хатҳои гази табииро дар ҳудуди шаҳр таъмир намуда, бо зиёд гардидани интиқоли газ дигар маҳаллаҳои шаҳрро бо газ таъмин карданист, инчунин дар баробари таъмини аҳолӣ бо гази табиӣ нуқтаҳои фурӯши гази моеъро ба роҳ мондааст, ки шаҳрвандон аз он васеъ истифода мебаранд.