ИСРОИЛ ПЕШНИҲОДИ РУСИЯРО РАД НАМУД
Тел- авив, 7 январ. (АМИТ «Ховар» — РИА Новости).- Вазири корҳои хориҷии Исроил Сипи Ливни пешниҳоди Русияро дар бораи миёнаравии ӯ дар байни ин мамлакат ва ҷунбиши «Хамос» дар масъалаи оташбас дар воҳаи Ғаззаҳ рад намуд. С. Ливни чанд рӯз пеш дар Байтулмуқаддас бо намояндаи махсуси Президенти Русия дар Шарқи Наздик, муовини вазири корҳои хориҷӣ Александр Салтанов мулоқот кард. Вазири корҳои хориҷии Исроил таъкид намуд, ки ҳадафи амалиёти ҳарбӣ задани зарба ба ҷунбиши «Хамос» мебошад. Мо намегузорем, ки «Хамос» худсарона рафтор карда, ҳаёти сокинони мамлакати моро зери хатар гузорад. Мо дар ин масъала бо «Хамос» машварат карданӣ нестем, гуфт вай. Тавре хабар дода шуда буд, амалиёти ҳарбии Исроил дар воҳаи Ғаззаҳ 10 рӯз боз давом дорад ва дар натиҷаи он садҳо нафар сокинони маҳаллӣ ҳалок шуданд. Сипи Ливни афзуд, ки Исроил дар гузаронидани амалиёт ба кӯмаки мамлакатҳои дигар эҳтиёҷ надорад. Вазифаи мо бо ҳар роҳу восита таъмин кардани амнияти шаҳрвандони мамлакат мебошад, изҳор дошт ӯ.
Аз 1 то 3 май дар баъзе шаҳру ноҳияҳои Тоҷикистон ифлосшавии ҳавои атмосферӣ дар назар аст
Монографияи илмӣ оид ба журналистикаи сайёҳӣ ба нашр расид
«ТОҶИКИСТОНИ МАН!». Дар шаҳри Ҳисор маҳфил-озмун ҷамъбаст гардид
Имрӯз дар минтақаҳои доманакӯҳии ноҳияҳои тобеи Тоҷикистон сар задани сел пешгӯӣ мешавад
Сокини ноҳияи Кӯшониён аз ҳар қуттӣ кирмак то 35 килограмм пилла ба даст меорад
Имрӯз дар баъзе минтақаҳои Тоҷикистон борон меборад
Имрӯз дар баъзе минтақаҳои Тоҷикистон рӯзона борони кӯтоҳмуддат меборад
Дар шаҳри Бӯстон доир ба татбиқи лоиҳаҳои муштараки иҷтимоӣ бо соҳибкорон вохӯрӣ баргузор шуд
Дар даҳсолаи охир дар ҷаҳон шумораи одамони бо гуруснагии фалокатбор рӯбарӯ нуҳ маротиба афзоиш ёфтааст
Имрӯз дар шаҳри Душанбе ҳаво то 29 дараҷа гарм мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Озмуни ҷумҳуриявии «Ҷавонон муқобили коррупсия» баргузор мешавад
