ИСТЕҲСОЛИ МАВОДИ ПРОТЕЗӢ АФЗОИШ ЁФТ

                Душанбе, 28 январ.(АМИТ «Ховар», Лаззат Диловарзод).- Корхонаи давлатии протезию ортопедии шаҳри Душанбе яке аз ташкилоти калонтарини сохтори Агентии давлатии ҳифзи иҷтимоӣ, шуғли аҳолӣ ва муҳоҷират мебошад. Дар соли 2008 ин корхона ба маблағи 1млн. 272 ҳазору 282 сомонӣ маҳсулоти протезию ортопедӣ истеҳсол намудааст, ки нисбат ба соли 2007 2,6 маротиба зиёд аст.                Маркази ортопедии корхонаи мазкур дар соли 2008 5434 ҷуфт пойафзоли ортопедӣ, 2389 пойафзол барои протези пой, 266 ҷуфт протези пой, 35 ҷуфт протези даст ва 1518 адад асобағал истеҳсол намуда ба 10282 нафар маъюбон хизмат расонид.