КӮЛОБ БО ОБИ НӮШОКИИ ТОЗА ТАЪМИН МЕШАВАД

           Душанбе, 15 январ. (АМИТ «Ховар», Лаззат Диловарзод).- Бино ба иттилои мутахассисони Корхонаи фаръий обу ташноб (КФОТ)-и шаҳри Кӯлоб, тибқи лоиҳаи тараққиёти шаҳр ва бо оби тозаи ошомиданӣ таъмн намудани аҳолии шаҳр ва сохтмони 2 обанбор Ҳукумати ҷумҳурӣ аз ҳисоби буҷа ба миқдори  1 миллиону 144 ҳазору 808 сомонӣ маблағ ҷудо намуд.           Мутобиқи лоиҳаи мазкур, то соли 2010 иловатан ба маблағи қаблан ҷудогардида, боз 1 млн. 340 ҳазор сомонӣ барои сохтмони иншооти обрасонӣ ва нав кардани лӯлаҳои хатти обрасон ҷудо гардид.          Акнун тибқи технологияи нав, қубурҳои оҳанӣ бо лӯлаҳои полиэтилинӣ иваз карда мешаванд. Аллакай бо лӯлаҳои полиэтилинӣ як қисми хатти кӯҳнаи оби шаҳр  иваз карда шуд. Кор дар қисмати марказию шарқии шаҳр доир ба иваз намудани хатти нави обрасонӣ давом дода мешавад.