КАДОМ ДАВЛАТ БЕШТАР БА ТОҶИКИСТОН ЁРИИ БАШАРДӮСТОНА КАРД?

                         Душанбе, 30 январ. (АМИТ «Ховар», Бекназари Абӯбакр). — Дар давоми соли 2008 ба Ҷумҳурии Тоҷикистон 47 кишвари хориҷи дуру наздик ба маблағи 101508 ҳазор доллари ИМА, аз ҷумла 23511 тонна орд ба маблағи 13510 ҳазор доллар, 1541 тонна равғани растанӣ ба маблағи 2897 ҳазор доллар, доруворӣ ба маблағи 34420 ҳазор доллар ва амсоли инҳо ёрии башардӯстона расонидаанд.                        Дар Кумитаи давлатии омор ба мухбири АМИТ «Ховар» гуфтанд, ки дар ёрии башардӯстона барои Тоҷикистон саҳми ИМА назаррас аст. Дар давоми соли сипаригашта саҳми ИМА 33,2 фоиз, Латвия 5,8 фоиз, Эрон 2,9 фоиз, Чин ва Дания 2,5 фоизӣ, Нидерландия 1,7 фоиз, АМА ва Ҷумҳурии Корея 1,2 фоизиро ташкил дод.                        Мавриди зикр аст, ки аз кишварҳои узви ИДМ саҳми Белорус 16,9 фоиз, Қазоқистон 13,8 фоиз, Россия 6,9 фоиз ва Қирғизистон 1,4 фоиз аст.