«КОМЕТА » БУНЁД МЕКУНАД

Хоруғ, 16 январ. (АМИТ «Ховар», Лутфишо Додо).- Дар маҳаллаи Шошхоруғи шаҳри Хоруғ сохтмони хонаи чорошёнаи 24 ҳуҷрадор идома дорад. Ҳоло танҳо корҳои андовакунӣ, деворбандии даруни ҳуҷраҳо ва корҳои сантехникӣ монданду халос. Дар 17-соли иқтисоди бозоргонӣ бори нахуст корхонаи хусусӣ сохтмони чунин иншооти муҳимро ба ӯҳда гирифтааст.Ҷамъияти масъулияти маҳдуди «Комета», роҳбараш Қадамшо Чиниев бисёрсоҳа буда, яке аз самтҳои фаъолияташ бинокорӣ мебошад. Соҳибкор Қадамшо Чиниев соли 2007-ум сохтмони ин манзили истиқоматиро оғоз намуд.Аз рӯи гуфти роҳбарияти ширкати «Комета» маблағи умумии сохтмони ин бинои истиқоматӣ 3 миллиону 150 ҳазор сомониро ташкил медиҳад, ки як қисми он аллакай аз ҷониби соҳибони ояндаи манзилгоҳ пардохт гардидааст. Тавре, ки худи Қадамшо Чиниев ба мо иттилоъ дод, то ибтидои баҳор корҳои сохтмонӣ мувофиқи меъёрҳои мавҷуда анҷом дода мешаванд. Маркази ҷавононро низ коргарони «Комета» бунёд мекунанд. Тибқи нақша, то тирамоҳи соли 2009 бояд ҳарду иншоот мавриди истифода қарор дода шаванд. 400 нафар коргар бо 3 вақт хӯроки  гарм, хобгоҳ ва шароитҳои дигари корӣ таъминанд. Коргарони ин муассиса бо ҳалолкории хеш дар вилоят маҳбубият доранд, зеро биноҳои бунёдкардаашон дорои  сифати баланд мебошанд.