М. УБАЙДУЛЛОЕВ БО САНОАТЧИЁН МУЛОҚОТ МЕНАМОЯД

        Душанбе, 20 январ.(АМИТ «Ховар», Марзия Саидова).-Минбаъд моҳе як маротиба Раиси шаҳри Душанбе Маҳмадсаид Убайдуллоев бо роҳбарони субъектҳои саноатии пойтахт мулоқот менамояд. Ин матлаб дар ҷаласаи васеи шаҳри Душанбе зикр гардид.             Тибқи иттилои котиби матбуоти раиси шаҳр Шавкат Саидов ҳадаф аз андешидани ин тадбир тақвияти раванди истењсолот дар соњаи саноати пойтахт ва мусоидат ба бедории саноатчиён новобаста аз шакл ва тобеияти идоравӣ баҳри истеҳсоли маҳсулоти рақобатпазир дар бозори истеъмолӣ мебошад. Интизор меравад, ки зимни мулоқоти раиси шаҳр бо саноатчиёни пойтахт проблемаҳои ҷойдоштаи соҳа, рушди минбаъдаи он матраҳ мегарданд.             Бояд зикр кард, ки тӯли солҳои охир ба пойтахт ва умуман ба ҷумҳурӣ аз хориҷӣ кишвар мањсулоти пастсифати арзони заргарӣ, трикотажӣ, маводи сохтмонӣ, хўрокворӣ ва молҳои ғайриистеъмолӣ ба таври қочоқ ворид карда мешаванд. Аз ин рӯ, баргузор намудани чунин мулоқот пеш аз ҳама ба рушди соҳаи саноати пойтахт, истеҳсоли молу маҳсулоти ба бозор рақобатпазир ва ҷилавгирӣ аз ворид намудани маҳсулоти пастсифат ба пойтахт мусоидат менамояд.