МАБЛАҒГУЗОРИҲОИ БОНКӢ НАТИҶА НАДОД

                 Душанбе, 29 январ. (АМИТ «Ховар», Лаззат Диловарзод).- Рушди кишоварзии Ҷумҳурии Тоҷикистон аз пахтакорӣ, ки яке аз соҳаҳои сердаромад дар амнияти иқтисодии кишвар маҳсуб меёбад, вобаста аст. Соли 2008 кормандони соҳаи кишоварзӣ дар баъзе бахшҳо бо дастовардҳои назаррас ноил шуданд. Бо вуҷуди он истеҳсоли яке аз зироатҳои асосӣ -пахта натиҷаи хуб надод. Гарчи дар соли 2008 аз ҳисоби буҷаи ҷумҳурӣ, бонкҳо ва сармоягузорон ба соҳаи пахтакорӣ беш аз 370 млн. сомонӣ маблағгузорӣ карда бошанд ҳам, аммо дар мамлакат ҳамагӣ 350 ҳазор тонна пахта истеҳсол карда шуд. Ҳосилнокии пахта дар соли 2008 14, 7 сентнериро ташкил дод, ки ин нисбат ба солҳои 40-уми асри гузашта камтар аст.                Коршиносон сабаби пастравии ҳосилнокии пахтаро аз ҳавасманд набудани мардум ба ин соҳа медонанд. Агар пахтакорӣ бо чунин тарз пеш бурда шавад, хоҷагиҳо баробари фучеристон аз бонкҳо ҳам қарздор хоҳанд шуд ва соҳа билкул барҳам хоҳад хӯрд