МАБЛАҒГУЗОРИИ КИШОВАРЗӢ 33 МЛН. ЗИЁД МЕГАРДАД

             Душанбе, 13 январ. (АМИТ «Ховар», Лаззат Диловарзод).- Дар Раёсати ояндабинии Вазорати кишоварзӣ ба мухбири АМИТ «Ховар» иброз доштанд, ки бо мақсади таъмини рушди соҳаи кишоварзӣ ва амнияти  озуқаворӣ дар буҷет барои соли 2009 -335 млн. сомонӣ пешбинӣ гардидааст, ки ин нисбат ба соли 2008 ба миқдори 33 млн. зиёд аст. Аз ҷумла, барои татбиқи барномаҳои соҳаи кишоварзӣ 22,3 млн. сомонӣ равна гардидааст, ки ин маблағ барои амалӣ намудани чорабиниҳои эпизоотӣ, мубориза бар зидди малах, хариди заҳр- химикатҳо ва тухмии зироатҳои кишоварзӣ, барқарорсозии соҳаи боғутокпарварӣ, рушди соҳаи занбӯриасалпарварӣ ва барои харидани техникаи кишоварзӣ масраф мегардад.